Ang isports, laro o
palakasan ay isang aktibidades na nagpapalakas ng katawan. Maraming klase ang
laro na may iba’t ibang kagamitan. Iba’t
ibang bahagi ng katawan ang napapaunlad nito. Bukod sa pangangatawan,
napapaunlad din nito ang relasyon ng bawat kasali sa laro at natututo sila kung
paano makisama sa kapwa-tao at
matututunan din ang tinatawag na
“sportsmanship”.
Malaki ang nagagawa ng
sports sa kaunlaran o development ng isang mag-aaral. Una, nililinang
nito ang kakayahang pisikal gaya ng pagtakbo,
paglangoy, pagsalo o pagpalo at iba pang kasanayang pisikal. Sa isports,
nahahasa rin ang kaliksihan, listo at bilis ng pag-iisip at
pagdedesisyon.
Kaya nga sa paaralan ay mayroong sportsfest at
mga extra-curricular activitites. Hindi lamang naman sila binuburo ng mga guro
sa puro pag-aaral lamang kundi mayroon ding gawaing hindi lamang isip ang ginagamit kundi ang
lakas ng katawan. Sa elementarya, nagkakaroong ng Sportfest tuwing Setyembre.
Mayroong volleyball, basketball, tennis, athletics, swimming at iba pang larong
lumilinang ng mga kakayahan.
Ang
mga estudyante ay hindi lamang puro pagbabasa at pagsulat ang ginagawa sa eskwelahan.
May mga gawain ding lumilinang sa kanilang kakayahan sa isports. Kaya ang mga batang
may mababang marka, malaking tulong sa kanila ang paglahok sa nasabing
aktibidades dahil 30% na dagdag ito sa kanilang grado.
Marami
ang benepisto na naibibigay ng isports nililinang hindi lamang ang katawan
kundi ang isipan. Tunay ngang mahalaga ang isports.
No comments:
Post a Comment