Ang
Kagawaran ng Edukasyon, sa pamamagitan ng K-12, ay nagpapatupad ng mga
programang humahasa sa kakayahan ng mga manunulat sa pahayagang pangkampus
upang maihanda sila sa mga hamon ng makabagong panahon. Ang mga itinuturo sa
paaralan, ang mga pagsasanay sa panulat at mga Press Conferences ay lumilinang
sa kakayahan sa komunikasyon, mapanuring pag-iisip o pagdedesisyon, at maging
ang kakayahan sa kompyuter upang mapabilis at mapadali ng kanilang gawain
bilang mamamahayag kasama na ang mabilis na pagpapalaganap ng impormasyon.
Kasama
sa mga gawain nito ang pagbibigay-diin sa kahalagahan ng tapat at matuwid na
pamumuno, ang pagiging masigasig sa pagtupad sa tungkulin bilang mga
tagapaglingkod sa mamamayan at maalagaan ang integridad ng mga ahensyang
kinabibilangan.
Ang
pahayagang pangkampus ang siya ring nagsisilbing sanayan ng mga mamumuno o
maging lider sa hinaharap. Ang patas na kompetisyon ay nagpapakita ng
kahalagahan ng katarungan sa anumang gawain. Ang pagsisikap mabilis na
mapaipaabot ang mahahalagang mga impormasyon gaano man ito kahirap ay
nagsasanay sa mga manunulat sa pagsasakripisyo para sa kapakanan ng nakararami.
Ito rin ang binibigyang-diin ng Good Governance and Leadership.
Bilang
mga batang mamamahayag ay nakikiisa sa pagtataguyod ng matapat at matuwid na
pamamalakad at pamumuno. Malaki ang magagawa namin para sa Pilipinas. Baon
namin ang katapatan, katarungan at sakripisyo para sa ikauunlad ng bansang
Pilipinas.
No comments:
Post a Comment