Maligayang Pasko
sa lipi ko’t bayang
Hikahos at
halos
walang ikabuhay;
Gayunma’y
may ganda...
sigla...at awitang
May himig
ng Pasko
at Talang patnubay.
Maligayang
Pasko
sa mga pulubi,
Sa mga
ulilang
walang kumakasi;
Sa maraming
batang
palaboy sa kalye
At walang
magulang
na kumakandili.
Maligayang
Pasko sa bayaning lihim —
Mga
magsasaka sa bulubundukin;
Sa puhunang
dugo’t pawis na tigisin,
Pagkain ng
madla ang bawa’t anihin.
Maligayang
Pasko sa kampo ni Gloria
Na dating
Pangulo nitong Republika;
Kung siya
man ngayo’y simping nagtitika,
Mga
kasalanan — panagutan sana.
Maligayang
Pasko sa mga bilanggo —
Sa
nangagsisisi...dungo’t nakayuko;
Sa
itinatakwil ng lipunang liko
At
hinuhusgahang yagit at baligho.
Maligayang
Pasko sa mga biktima
Ng
pagmamalabis ng maling hustisya;
Sa kasong-Visconde
na sinalamangka
Ng suhol sa
huwes ng Korte Suprema.
Maligayang
Pasko sa nangaghihintay
Sa wakas ng
lisyang kasong-Maguindanao;
Mabubuting
taong doon ay pinaslang,
May sigaw
ng dugo na inihihiyaw.
Maligayang
Pasko sa di makakita
Kay Hesus
sa Belen ng bagong umaga;
Ang nasa
karimlang kiming nagdurusa
Ay may
aginaldong Pasko ng pag-asa!
No comments:
Post a Comment