Ang
Kagawaran ng Edukasyon, sa pamamagitan ng K-12, ay nagpapatutupad ng mga programang
humahasa sa mga manunulat sa pahayagang pangkampus upang makamtan nila ang
kakayahan ng mga manunulat sa 21st century.
Ang mga itinuturo sa paaralan, pagsasanay sa panulat at mga “Press conferences”
ay lumilinang sa kakayahan sa komunikasyon, patas at mapanuring pag-iisip o
pagdedesisyon, at maging sa paggamit ng kompyuter o internet - mga kakayahang dapat
taglay ng isang lider.
Makakatulong
ba ang pampaaralang pamamahayag sa pagtaguyod ng matapat at mabuting pamumuno
at pagsasanay sa pagiging mabuting lider sa hinaharap?
Ang
pahayagang pangkampus ang nagsisilbing sanayan sa mabuting pamumuno o pagiging
lider sa hinaharap. Ang patas na kompetisyon sa
panulat ay nagpapakita ng kahalagahan ng katarungan at katapatan. Ang mabilis
na pagkilos gamit ang internet upang maipaabot
ang mahahalaga at tamang impormasyon
gaano man ito kahirap ay nagsasanay rin sa mga manunulat sa pagsasakripisyo
para sa kapakanan ng nakararami. Sa makatuwid , ang pagiging patas, tapat, makatarungan at ang pagsasakripisyo para sa
nakararami ang layunin ng pahayagang pangkampus – ito
rin an ang binibigyang-diin ng “good
governance and leadership, at transparency”.
Kami,
bilang mga batang mamamahayag ay nakikiisa sa pagtataguyod ng matapat at
matuwid na pamumuno. Sa pamamagitan ng pampaaralang pamamahayag, masasanay at
maihahanda kami para sa responsibilidad ng pagiging susunod na lider ng pamayanan.
Baon ang katapatan, katarungan at sakripisyo maymagagawa kami para sa ikauunlad
ng Pilipino.
No comments:
Post a Comment