Bigo ang koponan ng Malinao sa 2015 Yunit Meet nang padapain sila ng
koponan ng Numancia sa championship game nito sa volleyball girls (elem),
Badio, Numancia, Aklan, 25-22 23-25.
Inuwi muli ng koponan ng Numancia
ang kampeonato, habang ang koponan naman ng Makato ang pumwesto sa pangatlo.
Sa unang set, ipinakita na nila
kung bakit sila ang itinuturing na kampeon sa larangan ng isport na ito, sa
kanilang mga mahihirap na serbisyo pa lang dahilan upang makuha nila ang
abante, 6-2.
Hindi naman nagpatalo ang mga
itinuturing na baguhan sa isport, ang Malinao, ipinakita rin nila na kahit
baguhan sila ay kaya nila sila at hinabol ang iskor sa 8-7.
Binawi naman ng Numancia ang
kanilang lead nang paulanan ni Sophia Santiago, ang kapitana at West player
dati, nang mga palo ang Malinao, 15-12.
Naging kampante ang Numancia sa
laro dahilan upang mahabol sila ng Malinao at nakakuha pa nga nang 6-point
lead, 15-21.
Naputol ito nang nagising ang
Numancia at ipinatas ang iskor sa 21-21.
Itinuloy tuloy nila ito at tuluyan
nang makuha ang unang set, naka iskor pa nang isa ang Malinao bago nila ito
tapusin.
Sa pangalawang set, naging desidido
ang Malinao na pahabain pa ang laro at kinuha agad ang unang lead, 5-2.
Ngunit mas nanaig parin ang
Numancia sa kagustuhang maiuwi muli ang
titulo at inagaw ang naging lead ng Malinao, 10-8.
Ipinagpatuloy ng Numancia ang lead nito,
sinubukan namang humabol ng Malinao at nagtagumpay ito nang maipatas nila ang
iskor sa 18-18.
Nagawa pang maka lamang ng Malinao at
ginawang 20-18 nang iskor.
Hindi nagpatalo ang Numancia nang
muli silang maka abante dahil sa kanilang magagandang opensa at ginawang 22-20.
Muling umarangkada ang Malinao at
umabante sa kanila nang isa, 23-22.
Wala nang nagawa ang Malinao nang
tuluyan nang angkinin ng Numancia ang kampeonato sa iskor na 23-25.
Anim ang kinuha ng Numancia sa
Malinao upang tulungan silang makuha ang titulo sa nalalapit na Provincial Meet
sa Nobyembre.
No comments:
Post a Comment