Ang pamumuno ay isang mahalagang
katangian na hindi namamana kundi natutunan at ang mahusay na pinuno ay
minomolde ng panahon at karanasan.
May kanya-kanyang dahilan at opinyon sa
kung sino ang ibinoto. Ang iba ay tunay na naniniwala sa kanilang pinili, ang
iba naman ay napilitan lamang at mayroon din namang dahil sa pangangailangan.
Kaya naman tama lamang na sa murang edad ng ating kabataan ay turuan at
imulat sila sa mga suliranin at
pangangailangan ng ating bayan. Ang panonood sa telebisyon at pakikinig sa
radyo ng balita at ang pagbabasa ng pahayagan ay mabisang paraan upang malaman
ng ating kabataan ang mga pangyayari sa kanyang kapaligiran. Dito ay marami
siyang malalalaman. Maiintindihan niya ang mga pangangailangan, suliranin at
magagawa niyang pag-aralan ang mga impormasyon na makakatulong upang
makapagbigay ng mga paraan kung paano
mapapabuti ito- isang katangian ng kabataang magiging mahusay na pinuno.
Maraming mahusay na journalist ang naging
matagumpay sa larangan ng pamumuno. Ang isang mahabang karanasan bilang isang
journalist ay humubog at nagtuturo sa mga kabataan kung paano ang tamang
pamumuno.
Ang mga campus journalist ay namumuno sa
pagbibigay ng mahahalagang impormasyon, sa paggising sa kaisipan, pagbibigay
babala at solusyon sa mga suliranin sa
paaralan sa pamamagitan ng kanilang mga isinusulat. Dedikasyon at sapat na panahon
ang inilalaan sa bawat balitang kanilang isinusulat, sapagkat alam nilang ito
ay mahalaga. Kung ang mga katangiang ito
ay sisimulan sa elementarya hanggang sekondarya, tunay na mahuhubog natin ang
kaisipan at paniniwala ng ating mga
kabataan.
Ang mahusay na pinuno ay tunay na Pilipino
na makaDiyos, makaPamilya, makaKalikasan, maKatarungan, at makaBayan. Gawin
nating instrumento ang pagsulat upang gumabay sa ating kabataan na maging
mabuting pinuno at mamamayan ng ating bansa.
No comments:
Post a Comment