Kasalukuyan nang
ipinapatupad ng pamahalaang Aquino ang programa nitong kung tawagin ay K+12.
Ito ay ang pagdaragdag ng taon sa Basic Education ng bansa. Sa programang ito
ay hindi na tatanggapin sa unang grado ang batang hindi nag-kinder bilang unang
hakbang sa pagpapatupad nito. May dalawang taong dagdag rin sa high
school na ibig sabihin ay magkakaroon ng tinatawag na Senior High. Sa loob ng
dalawang taon sa Senior High ay maaaring mamili ang isang estudyante ng kanyang
espesyalisasyon na Technical/Vocational course o isport at iba pang
pagpipilian.
Ang programang ito
ay naglalayong mapataas ang kalidad ng edukasyon ng bansa. Sa ganitong paraan
diumano ay maari ng makapagtrabaho ang mga Pilipino kahit high school lang ang
tinapos
. Napakaganda ng
layunin ng programang ito ngunit tulad ng ibang programa ay hindi naman
naaangkop ang pagpapatupad nito. Bakit kaya hindi muna unahin ang mga
kasalukuyang pagkukulang ng pamahalaan sa kasalukuyang suliranin. Kumpletuhin
ang mga kulang na silid paaralan. Magbigay ng mga aklat na tama ang nilalamang
impormasyon. Magdagdag pa ng mga guro at dagdagan ang kanilang sahod at
benipisyo.
Hindi nasusukat sa
dami ng taong pinasok sa eskwelahan ang katalinuhan ng tao. Kaya namang matutunan
ng mga Pilipino ang dapat na matutunan sa dating sistema. Sa pagdagdag ng taon
sa pag-aaral, malulunasan ba nito ang kahirapan? Mababawasan kaya nito ang mga
drop out?. Kahit sabihin pang libre ang pag-aaral sa mga pampublikong paaralan
ay gumagastos pa rin ang mga magulang sa mga pang-araw-araw na baon ng mga
bata. Ibig sabihin nito kapag dinagdagan ng taon ay panibagong dalawang taon
din ang dagdag pahirap sa mga magulang.
Ang K+12 ay hindi
sagot sa suliranin ng bansa pagdating sa edukasyon
Ngunit nariyan na
iyan,May magagawapa ba si Juan Dela Cruz?.
No comments:
Post a Comment